कमल साह
जनकपुरधाम,माघ १४ गते । जनजाति कल्याण आश्रमद्वारा संचालित जनक छात्रावासको अध्यक्ष पदमा कृष्णकुमार दीक्षित सर्वसम्मतिबाट निर्वाचित भएका छन ।
जनजाति कल्याण समाज जनकपुरधाम शाखा ले यहाँका ऐतिहासिक स्थल रत्नसागर को उत्तर पश्चिम कुना स्थित रामजानकी मन्दिरलाई कार्यालय बनाएर छात्रावास संचालन गर्दै आएको छ । रत्नसागर स्थान अन्तर्गत रहेको सो रामजानकी मन्दिर जनजाति कल्याण आश्रमलाई जनक छात्रावास संचालन गर्नको लागि प्रदान गरिसकेको छ ।
उक्त जनक छात्रावासमा विहिवार आयोजित वृहत सभा ले अध्यक्ष पदमा कृष्णकुमार दीक्षित, उपाध्यक्षमा ऋषिकेश साह, महासचिवमा कालेश्वर महतो, सचिवमा अमित कुमार साह र कोषाध्यक्षमा आसुतोष चिरानियालाई सर्वसम्मतिबाट निर्वाचित गरिएका छन ।
त्यस्तै सदस्य पदमा सचिन सिंह,रमण कुमार साह र अनिकेत रुङ्गटा सर्वसम्मतिवाट चयन भएका छन । रिक्त सदस्य पदमा एक जनालाई पछि कार्य समितिमा मनोनयन गर्ने जनाएको छ ।
नवनिर्वाचित अध्यक्ष दीक्षित पहिलाको कार्यसमितिमा कोषाध्यक्ष पद सम्हालनु भएको थियो । सो पदमा रहेर उहाँले गर्नुभएको सराहनिय कार्यलाई मुल्यांकन गर्दै जनजाति कल्याण आश्रम जनकपुर द्वारा एकमतबाट अध्यक्ष पदमा चयन गरियो । साथै सधारण सभाले उहाँलाई नै आफुखुसी कार्यसमिति चयन गर्ने जिम्मेबारी समेत दिएको थियो ।

जनजाति कल्याण समाज जनकपुरद्वारा संचालित जनक छात्रावासमा हाल ११ जना विद्यार्थीले निःशुल्क आवास तथा खानपान पाईरहेका छन् ।
नवनिर्वाचित अध्यक्ष कृष्ण कुमार दीक्षित भन्नुहुन्छ, यस जनक छात्रावासमा आउँदो दिनमा २१ जना विद्यार्थीलाई सेवा प्रदान गर्ने योजना रहेछ ।
उहाँले धनुषा, महोत्तरी, सर्लाही, सिन्धुली, सिरहा र सप्तरी लगायतका जिल्लाहरुमा रहेका अतिविपन परिवारका जनजाति बच्चालाई पठन पाठन गर्नको लागि भर्ना लिने योजना रहेको बताउनु भयो ।
सो छात्रावासमा जनकपुरधामबाट साढे ७ सय किलोमिटर टाढा नेपालगंजका छात्र रहेर आफ्नो जीवनको भाग्य रेखा को र्दैछन ।