कमल साह
जनकपुरधाम, पुस ८ गते । नेपाली पत्रकारिता जगतका भीष्म पितामह , प्रेस तथा प्रजातन्त्र स्वतन्त्रता सेनानी राजेश्वर नेपालीको स्मृतिमा जनकपुरधाम उप महानगरपालिका वडा नंं २३ बेलामा आयोजित महामना राजेश्वर नेपाली टि–२० क्रिकेट प्रतियोगिताको फाइनल खेलको उपाधि धनुषाको कनकपट्टी क्रिकेट टिम विजयी भएको छ ।
धनुषाको कनकपट्टी र महोत्तरीको सहोरवा क्रिकेट टिमबीच भएको खेल कनकपट्टी क्रिकेट टिम ५१ रनले ट्रफी हासिल गरेको छ ।
टस जितेर पहिले ब्याटिङ गरेको कनकपट्टी क्रिकेट टिमले प्रस्तुत गरेको १ सय २३ रनको लक्ष्य पछयाउने क्रममा सहोरावा क्रिकेट टिम ६८ रनमै अल आउट भएपछि कनकपट्टी क्रिकेट टिमको जीत दर्ज भएको हो ।
उक्त खेलमा म्यान अफ दी म्याच कनकपट्टी क्रिकेट टिमका विपीन यादव , म्यान अफ दी सिरिज सहोरवा टिमका अमित यादव, वेस्ट बलर बेला क्रिकेट टिमका गोविन्द साह र वेस्ट फिल्डर खुर्सेद राइन्लाई घोषित गरिएको छ ।

दूधमती युवा क्लब जनकपुरधाम २३ वेलाको आयोजनामा भएको १६ दिवसीय प्रतियोगितामा धनुषा तथा महोत्तरी जिल्लाका गरी १६ वटा क्रिकेट टिमको सहभागिता रहेको थियो।
उक्त प्रतियोगितामा विजय हासिल गरेको विजेता कनकपट्टी टिमलाई ५५ हजार ५ सय ५५ र उपविजेता साहोरवा टीमलाई २५ हजार ५ सय ५५ रुपैयाको नगद पुरस्कार , प्रमाण पत्र र कप मधेश प्रदेश सरकारका खेलकूद तथा समाजकल्याण मन्त्री सुरिता कुमारी साह र जनकपुरधाम उप महानगरपालिका वडा नं २३ का वडा अध्यक्ष राघबेन्द्र प्रसाद साहले प्रदान गर्नु भएको छ।
प्रमुख अतिथि मधेश प्रदेश सरकारका खेलकूद तथा समाजकल्याण मन्त्री सुरिता कुमारी साह ले खेलकुद विकासका लागि सहयोग गर्ने बताउनु भयो ।
युवालाई दुर्व्यसनबाट जोगाउन को युवा वडाध्यक्ष राघवेन्द्र साह ले खेलेको भुमिका सराहनीय रहेको उहांले बताउनु भयो ।
त्यस्तै वडा अध्यक्ष राघवेन्द्र साहले अगामि दिनमा३२ वटा टिमको बीचमा खेल गराउने भन्नुभयो ।